1966 წელს ავტომწარმოებელმა Ford-მა ბაზარზე ახალი ყველგანმავალი, Bronco წარადგინა, რომელიც მისი მთავარი კონკურენტის, Jeep-ისგან განსხვავებულ კონცეფციას ეფუძნებოდა. იმ დროინდელი უტილიტარული მოდელებისგან განსხვავებით, Bronco გაუმჯობესებულ კომფორტსა და ყოველდღიურ გამოყენებაზე იყო ორიენტირებული.
თუმცა, დროთა განმავლობაში ბაზრის ტენდენციები შეიცვალა და ოთხკარიან, საოჯახო SUV-ებზე გაზრდილი მოთხოვნის ფონზე, Ford-მა 1996 წელს მოდელის წარმოება შეწყვიტა. ლეგენდის დაბრუნებას ავტომოყვარულები 25 წლის განმავლობაში ელოდნენ და 2021 წელს Ford-მა სრულიად განახლებული Bronco წარადგინა. აღსანიშნავია, რომ მოდელის მიმართ ინტერესი საქართველოშიც მაღალია, რასაც მეორადი ავტომობილების ბაზარზე მისი მზარდი პოპულარობა მიუთითებს, რაც ავტო იმპორტისა და მოდელის ხელმისაწვდომი ფასით შეძენის შესაძლებლობითაა განპირობებული.
იდეალური ავტომობილი საქართველოს მრავალფეროვანი რელიეფისთვის
Ford Bronco აღჭურვილია G.O.A.T. Modes™ (Goes Over Any Type of Terrain) სისტემით, რომელიც ავტომობილს ნებისმიერი ტიპის რელიეფთან ადაპტაციის საშუალებას აძლევს. მძღოლს შეუძლია, სპეციალური გადამრთველით აირჩიოს ზედაპირის შესაბამისი რეჟიმი (მაგალითად: ქვიშა, ტალახი, თოვლი), რის შემდეგაც ავტომობილი ავტომატურად არეგულირებს ძრავის, გადაცემათა კოლოფისა და ამძრავის სისტემის მუშაობას.
მისი ერთ-ერთი მთავარი უპირატესობა მაღალი კლირენსია. Sasquatch პაკეტის მქონე მოდელებში მიწის ზედაპირიდან დაშორება 295 მმ-ს აღწევს, რაც მას რთული დაბრკოლებების გადალახვის შესაძლებლობას აძლევს. Bronco-ს ასევე შეუძლია 851 მმ სიღრმის წყალში გავლა. ამას ემატება Trail Turn Assist ფუნქცია, რომელიც მოხვევისას შიდა უკანა ბორბალს ამუხრუჭებს და ავტომობილს ვიწრო ადგილებში მობრუნების რადიუსს უმცირებს.
დეტალები, რომლებიც ყოველდღიური კომფორტს განსაზღვრავს
Ford Bronco-ს დიზაინი პრაქტიკულ დეტალებზეა ორიენტირებული. მისი ერთ-ერთი მთავარი მახასიათებელია კარებისა და სახურავის მოხსნის შესაძლებლობა. მთავარი კონკურენტისგან (Jeep Wrangler) განსხვავებით, გვერდითი სარკეები ძარაზეა დამონტაჟებული და კარების მოხსნის შემდეგაც ფუნქციური რჩება.
სალონში იატაკი რეზინის მასალით არის დაფარული და აღჭურვილია სადრენაჟო ხვრელებით, რაც სალონის წყლით გარეცხვისა და მარტივად დასუფთავების საშუალებას იძლევა.
კომფორტს ზრდის SYNC 4 მულტიმედია სისტემა 12 დუიმიანი ეკრანით და B&O აუდიოსისტემა. ასევე, პანელზე გათვალისწინებულია სპეციალური სამაგრი სმარტფონისა თუ სხვა მოწყობილობების დასამაგრებლად.
თუ ამერიკული ავტომობილები გაინტერესებთ, თუმცა უპირატესობას თანამედროვე ტექნოლოგიებსა და ელექტროძრავას ანიჭებთ, მაშინ აუცილებლად უნდა იცოდეთ მეტი ბაზრის ლიდერის შესახებ — წაიკითხეთ ბლოგი Tesla-ს შესახებ.
Bronco და Wrangler – რით განსხვავდება ორი კონკურენტი ერთმანეთისგან?
Bronco-სა და Wrangler-ს შორის ერთ-ერთი მთავარი ტექნიკური განსხვავება წინა დაკიდების სისტემაა. Wrangler-ი იყენებს ერთიან წინა ხიდს – ეს სისტემა ეფექტურია რთულ, კლდოვან რელიეფზე, თუმცა ასფალტზე მოძრაობისას ნაკლებად კომფორტულია. ამის საპირისპიროდ, Bronco აღჭურვილია დამოუკიდებელი წინა დაკიდების სისტემით, რომელიც ასფალტირებულ ზედაპირზე უკეთესი მართვადობითა და მაღალი კომფორტით გამოირჩევა.
განსხვავებაა უსაფრთხოების სისტემებშიც. Bronco-ს საბაზისო კომპლექტაციის მოდელებშიც კი შედის Ford Co-Pilot360-ის პაკეტი, რომელიც აერთიანებს ავტომატური დამუხრუჭებისა და ბრმა ზონების მონიტორინგის ფუნქციებს. Wrangler-ში მსგავსი სისტემები, როგორც წესი, მხოლოდ მაღალ კომპლექტაციებში გვხვდება.
პრაქტიკულობის თვალსაზრისით, Bronco-ს საბარგული (ოთხკარიან მოდელში) დაახლოებით 300 ლიტრით უფრო ტევადია, ვიდრე Wrangler-ის.
შეარჩიეთ Bronco თქვენი საჭიროებების მიხედვით
Ford Bronco-სთვის ძრავის შერჩევა თქვენს საჭიროებებზეა დამოკიდებული. 2.3-ლიტრიანი EcoBoost ძრავა, 300 ცხენის ძალით, სავსებით საკმარისია ყოველდღიური მართვისა და საშუალო სირთულის გზებისთვის. ხოლო თუ მეტი სიმძლავრე, მძიმე ტვირთის ბუქსირება ან ექსტრემალურ პირობებთან გამკლავება გჭირდებათ, 2.7-ლიტრიანი V6 ძრავა (330 ცხ. ძ.) უკეთესი არჩევანი იქნება.
7 სიჩქარიანი მექანიკური კოლოფი, თავისი უნიკალური ე.წ „მცოცავი“ რეჟიმით (Crawler Gear), აუცილებელია ურთულეს რელიეფზე მაქსიმალური კონტროლის მისაღწევად. მეორე მხრივ, 10 სიჩქარიანი ავტომატური ტრანსმისია ყოველდღიური კომფორტისა და მართვის სიმარტივისთვისაა შექმნილი. ანალოგიური პრინციპით ხდება არჩევანი ძარის ტიპებს შორისაც: ორკარიანი ვერსია მოკლე ბაზის გამო უგზოობაში საუკეთესო გამავლობას უზრუნველყოფს, ოთხკარიანი მოდელი კი უფრო პრაქტიკულია ოჯახისთვის, რადგან მას კომფორტული უკანა სავარძლები და გაცილებით დიდი საბარგული აქვს.
რა ღირს Ford Bronco საქართველოში?
Ford Bronco-ს ზუსტი ფასის დასახელება რთულია, რადგან ღირებულება დამოკიდებულია ავტომობილის გამოშვების წელზე, კომპლექტაციასა და მის ტექნიკურ მდგომარეობაზე.
იმისთვის, რომ მყიდველს ხარჯების შესახებ უფრო ნათელი წარმოდგენა შეექმნას, შეგვიძლია განვიხილოთ კონკრეტული მაგალითი. ავტო იმპორტიორმა კომპანია Carmark-მა ცოტა ხნის წინ მომხმარებლის დაკვეთით 2022 წელს გამოშვებული Ford Bronco ჩამოიყვანა. ამ კონკრეტული ავტომობილის საქართველომდე ტრანსპორტირების სრულმა ხარჯმა 10,000$ შეადგინა. გასათვალისწინებელია, რომ ეს თანხა არ მოიცავს განბაჟების ღირებულებას.
სასურველი ავტომობილის ღირებულებისა და ხარჯების გამოსათვლელად ისარგებლეთ განბაჟების კალკულატორით.
რას მოიცავს Carmark-ის სერვისი?
Carmark საქართველოს ბაზარზე ერთ-ერთი პირველი ავტო იმპორტიორია, რომელმაც ავტომობილების ამერიკიდან ჩამოყვანა ჯერ კიდევ 2005 წელს დაიწყო.
მომსახურება მოიცავს აუქციონზე წვდომას, სასურველი ავტომობილის შერჩევაში დახმარებას, მისი ისტორიის გადამოწმებას, ტრანსპორტირებასა და განბაჟების პროცედურებში დახმარებას. გამოცდილი კომპანიის დახმარებით მეორადი ავტომობილის შეძენა და ტრანსპორტირება მარტივდება, რაც მსურველებს საშუალებას აძლევს, სასურველი მოდელი ხშირად ადგილობრივ ბაზარზე არსებულ ფასზე უფრო ხელსაყრელად შეიძინონ.
