საქართველოს საავტომობილო ბაზარზე დიდი ცვლილებებია. თუ ადრე მომხმარებლებს ავტომობილები იაპონიიდან, ამერიკიდან და ევროპიდან ჩამოჰყავდათ დღეს ამ სიას ახალი და ძალიან ძლიერი მოთამაშე — ჩინეთი დაემატა.

ჩინური ავტომობილების პოპულარობა მზარდია. მაგალითისთვის, 2024 წლის აპრილში ჩინური მანქანების იმპორტი წინა წლის ანალოგიურ პერიოდთან შედარებით 380%-ით გაიზარდა. რას ნიშნავს ეს ციფრებში? გასული წლის აპრილში ქვეყანაში 283 ჩინური ავტომობილი შემოვიდა, 2023 წლის ამავე თვეს კი მხოლოდ 59. 

ასეთი სწრაფი წინსვლა რამდენიმე ფაქტორის ერთობლიობამ განაპირობა. ჩინელმა მწარმოებლებმა ერთ ავტომობილში მოაქციეს ის, რასაც მომხმარებლები ეძებდნენ — კონკურენტული ფასი, დახვეწილი დიზაინი და თანამედროვე ტექნოლოგიები. 

ჩინური მანქანების ფასი 

ჩინური ავტომობილების მზარდი პოპულარობის მთავარი მიზეზი მათი ფასია. ბოლო პერიოდში ჩინეთიდან იმპორტირებული მანქანები გაიაფდა, რამაც ისინი ბევრად ხელმისაწვდომი გახადა.

საქსტატმა ქვეყანაში ავტო იმპორტის ტენდენციები შეისწავლა. მონაცემები აჩვენებს, რომ ბოლო ერთ წელში ჩინეთიდან იმპორტირებული ავტომობილის საშუალო ფასი 43%-ით შემცირდა. კონკრეტულად, თუ გასულ წელს ერთი მანქანის საშუალო საიმპორტო ღირებულება 16.9 ათასი დოლარი იყო, წელს ეს მაჩვენებელი 9.7 ათას დოლარამდე დაეცა.

საშუალო ღირებულება და საბოლოო ფასი მოდელზეა დამოკიდებული, თუმცა ტენდენცია აშკარაა, ფასის კლებამ პირდაპირი გავლენა იქონია გაყიდვების რაოდენობაზე — იმპორტირებული მანქანების რიცხვი 2024 წელს 1,144 ერთეული იყო, წელს კი 1,653 ერთეულამდე გაიზარდა. 

როგორც მონაცემები აჩვენებს, ჩინეთიდან იმპორტირებული ავტომობილების ფასი ნამდვილად ხელმისაწვდომია. თუმცა, მთავარი კითხვა შემდეგია: რას იღებს მომხმარებელი ამ კონკურენტულ ფასად? სწორედ ამ საკითხს, კერძოდ კი, ჩინური ავტომობილების ტექნოლოგიურ შესაძლებლობებს, შემდეგ ქვეთავში დეტალურად განვიხილავთ.

ტექნოლოგიური შესაძლებლობები და უპირატესობები

ჩინური ავტომობილები ბაზარზე ადგილს, დიდწილად, ტექნოლოგიური უპირატესობით იმკვიდრებს. მწარმოებლების სტრატეგიის მიხედვით, საბაზისო მოდელები ისეთი ფუნქციებითაა აღჭურვილი, რომლებსაც კონკურენტებთან დამატებითი ღირებულება აქვს. 

სტანდარტულ კომპლექტაციაში, როგორც წესი, შედის მართვის დამხმარე და უსაფრთხოების მრავალი თანამედროვე სისტემა. მათ შორისაა ადაპტური კრუიზ-კონტროლი, ზოლში მოძრაობის ასისტენტი, ბრმა ზონის მონიტორინგი და ავტომატური საგანგებო დამუხრუჭების ფუნქცია. პარკირებისა და მანევრირების გასამარტივებლად კი, ხშირად გამოიყენება 360-გრადუსიანი ხედვის კამერები.

ზოგიერთ ჩინურ ავტომობილს აქვს ინტელექტუალური სრულამძრავიანი სისტემა, რომელიც რთულ გზაზე (მაგალითად, თოვლში) ავტომატურად რთავს ოთხივე წამყვან თვალს უკეთესი მოჭიდებისთვის, ხოლო ჩვეულებრივ გზაზე საწვავის ეკონომიისთვის ორზე მუშაობს.  

განსაკუთრებული ყურადღება ეთმობა სალონის კომფორტსა და ინფო-გასართობ სისტემებს. თანამედროვე ჩინურ ავტომობილებში, ინტეგრირებულია დიდი სენსორულ ეკრანები. მგზავრობას ამარტივებს სმარტფონთან სრული თავსებადობა (Apple CarPlay/Android Auto) და უსადენო დამტენი, სასიამოვნო განწყობას კი მაღალი ხარისხის აუდიოსისტემა ქმნის. 

როგორ შეცვალეს ევროპელმა დიზაინერებმა ჩინური ავტო ბრენდები

წარსულში არსებობდა მოსაზრება, რომ ჩინელი მწარმოებლები დიზაინის თვალსაზრისით სხვა ცნობილი ბრენდების ხელწერას იმეორებდნენ. ამ სტერეოტიპის დასამსხვრევად, კომპანიებმა მარტივ, მაგრამ მეტად ეფექტურ გზას მიმართეს, მათ მსოფლიო დონის დიზაინერები დაიქირავეს.   

მაგალითად, Geely-ს დიზაინის ხელმძღვანელი შტეფან ზილაფია, რომელიც მანამდე Bentley-ში მუშაობდა. BYD-ის დიზაინს Audi-ს ყოფილი მთავარი დიზაინერი ვოლფგანგ ეგერი უძღვება , ხოლო Changan-მა Volkswagen-ის დიზაინის ყოფილი ხელმძღვანელი, კლაუს ციციორა მიიწვია.

როდესაც ავტომობილის დიზაინს ქმნიან ადამიანები, რომლებსაც ისეთი ბრენდების ვიზუალზე უმუშავიათ, როგორებიცაა Bentley და Audi, ეს ავტომატურად ნიშნავს თანამედროვე, დახვეწილ და მიმზიდველ სტილს. ეს ფაქტორი მომხმარებელში ნდობას ზრდის და სრულად ცვლის ძველ შეხედულებებს.

ჩინური ელექტრომობილების გავლენა ავტო ბაზარზე

ჩინეთის ერთ-ერთი მთავარი სტრატეგიული უპირატესობა ელექტრომობილების (EV) სეგმენტში გლობალური ლიდერობაა. წარმოების დიდი მასშტაბი და დაგროვილი გამოცდილება ჩინურ ბრენდებს საშუალებას აძლევს, ქართველ მომხმარებელს შესთავაზონ მრავალფეროვანი და ტექნოლოგიურად განვითარებული ელექტრომობილები ისეთ ფასად, როგორიც კონკურენტებს არ აქვთ.

შეიძლება ითქვას, რომ ჩინურმა ბრენდებმა ელექტრომობილები უფრო ხელმისაწვდომი გახადეს. აქამდე ეს ეკოლოგიურად სუფთა ტრანსპორტი, Tesla-სა და Nissan Leaf-ის მაგალითზე ძვირადღირებულ ინოვაციად განიხილებოდა. ახლა კი მომხმარებელს საშუალება აქვს, ახალი, მრავალფეროვანი ფუნქციონალის მქონე ელექტრომობილი უფრო დაბალ ფასად შეიძინოს.

ჩინური ელექტრო მანქანები საქართველოში იმპორტის მთავარ მამოძრავებელ ძალად იქცა: 2024 წლის პირველი 8 თვის მონაცემებით, ჩინეთიდან იმპორტირებული ავტომობილების ჯამური ღირებულების (27 მილიონი დოლარი) ნახევარზე მეტი, კერძოდ, 14.6 მილიონი დოლარი, სწორედ ელექტრომობილებზე მოდიოდა. ეს კი ნათლად აჩვენებს, რომ ქართველი მომხმარებლის ინტერესი, უმეტესწილად, სწორედ ეკოლოგიურად სუფთა ტრანსპორტისკენ არის მიმართული.

ჩინური ავტომობილები საქართველოში

საქართველოში ერთ-ერთი ყველაზე პოპულარული ჩინური ავტომობილი Geely Coolray-ია. ის  B-სეგმენტის კროსოვერია და კონკურენციას წარმატებით უწევს ისეთ მოდელებს, როგორებიცაა, Hyundai Kona და Toyota C-HR. სტანდარტული კომპლექტაციის მთავარი უპირატესობა კონკურენტებზე მეტი სიმძლავრე (177 ცხენის ძალა) და მაღალტექნოლოგიური სისტემების მრავალფეროვნებაა.  

ბოლო პერიოდში მოთხოვნადია BYD Dolphin. ის პრაქტიკული ზომის, ქალაქის გზებზე მორგებული ელექტრომობილია. მას ხელმისაწვდომი ფასი აქვს და ელექტრომობილის ფლობას ბევრი ქართველისათვის რეალურ შესაძლებლობად აქცევს. 

შეიძლება ითქვას, რომ Changan CS55 Plus Toyota RAV4-ს უწევს კონკურენციას, თუმცა ბევრად იაფი ღირს. ხელმისაწვდომ ფასად მომხმარებელი იღებს მძლავრ და კომფორტულ ავტომობილს, რომელსაც, ხშირად, კონკურენტების საბაზისო მოდელებზე მეტი შესაძლებლობები აქვს.  

ითანამშრომლეთ Carmark-თან და ჩამოიყვანეთ ავტომობილი ჩინეთიდან ხელმისაწვდომ ფასად

ჩინური ავტომობილების მზარდი პოპულარობისა და მიმზიდველი ფასების ფონზე, ბევრი ფიქრობს სასურველი მოდელის პირდაპირ ჩინეთიდან შეძენაზე. თუმცა, ერთი შეხედვით მარტივი პროცესი, შესაძლოა, ბევრ სირთულესა და გაუთვალისწინებელ ხარჯს უკავშირდებოდეს.

პროცესი, რომელიც ავტომობილის შერჩევას, სანდო დილერის მოძიებას, ადგილზე შემოწმებას, ლოგისტიკისა და საბაჟო პროცედურების გავლას მოიცავს, გამოცდილებისა და ბაზრის სპეციფიკის ცოდნის გარეშე საკმაოდ სარისკოა. სწორედ ამიტომ, თუ ამ გზის გავლას მარტივად და უსაფრთხოდ გეგმავთ, სანდო პარტნიორის დახმარება საუკეთესო გადაწყვეტილება იქნება.

სწორედ ამ მიზნით არსებობს კომპანია Carmark-ი, რომლის მთავარი ამოცანაა, ავტომობილები ამერიკიდან, ჩინეთიდან თუ ევროპიდან თქვენთვის მაქსიმალურად კომფორტულ, გამჭვირვალე და უსაფრთხო პროცესად აქციოს.

Carmark-ის სერვისი სრულ პროცესს უძღვება: ჩვენი გუნდი მოიძიებს თქვენს მოთხოვნებსა და ბიუჯეტზე მორგებულ ავტომობილს, ჩვენი წარმომადგენელი ჩინეთში ადგილზე შეამოწმებს მის ტექნიკურ მდგომარეობას და უზრუნველვყოფთ მის სრულად დაზღვეულ ტრანსპორტირებას საქართველომდე. თქვენ წინასწარ გეცოდინებათ ყველა მოსალოდნელი ხარჯი, ფარული მოსაკრებლების გარეშე.